Veprimtaria e Lëvizjes Popullore për Republikën e Kosovës (1989–1993) në Krahinën e Anamoravës

Abstract

Lëvizja Popullore për Republikën e Kosovës (LPRK), mund të konsiderohet si lëvizje më e suksesshme e pas Luftës së Dytë Botërore, e cila arriti që të gjitha organizatat ilegale që luftonin fillimisht me mjete politike ilegale t’i bëjë bashkë në një ide politike dhe kombëtare. LPRK-ja në Anamoravë, hovin e merr në vitin 1985 për të vazhduar deri në çlirimin përfundimtar të Kosovës nga Serbia. Organizimi ilegal ka qenë i shtrirë në Gjilan, Kamenicë, Viti dhe në pjesët e Maqedonisë, ku jetonin shqiptarët, por edhe në territoret e Luginës së Preshevës.