Nga mërgata në diasporë: shqiptarët e Egjiptit dhe diaspora shqiptare në Amerikë

Résumé

Prania e shqiptarëve në Egjipt përfshin një hark kohor prej disa shekujsh, i cili konsiston kryesisht me aktivitetin e pashallarëve dhe komandantëve shqiptarë fillimisht si qeveritarë në këtë gjeografi, gjatë periudhës së sundimit osman për të arritur kulmin gjatë kohës kur këtë vend e drejtoi Mehmed Aliu dhe pasardhësit e tij, duke nisur nga fillimet e shek. XIX. Pikërisht në këtë shekull zë fill edhe zgjimi kombëtar i faktorit shqiptar në pjesë të ndryshme të Perandorisë Osmane, por edhe nis formësimi i diasporës shqiptare në Amerikë. Në këtë kumtesë do të përpiqemi të trajtojmë ndikimin që pati mërgata shqiptare e Egjiptit në formësimin e diasporës së shqiptarëve të Amerikës gjatë periudhës së Rilindjes Kombëtare dhe epokës së Pavarësisë.