Çështja e Gjakovës në Konferencën e Ambasadorëve në Londër

Résumé

Përmes këtij punimi, paraqes diskutimet që zuri çështja e Gjakovës në Konferencën e Ambasadorëve në Londër. Po ashtu në punim paraqiten dy projektet kryesore për të ardhmen e territoreve shqiptare, si ai i Austro-Hungarisë, i cili insistonte që Shkodra dhe Gjakova të përfshiheshin brenda shtetit shqiptar, dhe ai rus që kërkonte që Shkodra t’i jepej Malit të Zi dhe Gjakova Serbisë. Krahas këtyre projekteve edhe shtetet fqinjë paraqitën kërkesat e tyre për aneksimin e trevave shqiptare dhe u përpoqën t’i argumentonin ato. Kështu qeveria serbe u përpoq me të gjitha mënyrat, që Gjakova me trevën e saj të mbetej në kuadrin e Mbretërisë së Serbisë.