Ndërrimi i kodeve gjuhësore brenda shoqërive shumëgjuhëshe

Abstrakti

Me këtë punim të ndërrimit të kodeve gjuhësore, sidomos në shoqërinë multietnike në Kosovë, posaçërisht në komunat që kanë një shoqëri folëse shumëgjuhëshe, do të mundohemi t’i japim dëshmitë e të folmeve brenda këtyre zonave ku na paraqiten raste të ndryshme të ndërrimit të kodeve gjuhësore, të gjuhëve që fliten brenda asaj shoqërie ose edhe ndërrimi i kodeve gjuhësore që vjen si pasojë e personave të ardhur nga mërgata shqiptare ose edhe minoritare në Kosovë, me të cilat, në këtë rast kemi ndërrim të kodit gjuhësor me ndikim nga një gjuhë e Bashkimit Europian. Këtu do të shohim se i njëjti individ mund të shfaqë klasifikime të ndryshme të vetes në raste të ndryshme, sipas rrethit shoqëror ku ndodhet.